Jord - musiikkia Tornionlaaksosta

Jord-ryhmän erikoisuus, moniääninen laulu, nostaa Tornionlaakson kansanmusiikkiperintheen uuele tasole. Käyttämällä niin uutta ko perintheelistä materiaalia ryhmä saapii aikhaan aivan oman musiikkimailman ja ko ryhmä laulaa omala kielelä, meänkielelä, se täyentää ajatonta taikavoimaa.

Jord teki 2002 debyyttilevyn ”Väylän virrassa-i älvens ström” Rikskonserter:in levy-yhtiössä Caprice Records. Oktoberi-/lokakuussa 2005 seurasi ”Mailmale-ut i världen” jonka yleisö ja aviisit oon ottanheet lämmölä vasthaan. Jord-ryhmän musiikki syntyy identtiteetistä joka oon niin ruottalainen ko suomalainen, identtiteetti johon niin Laestadialainen usko ko Ruottin vallanpitäjitten kielisorto oon jättäny voimakhaan histuurialisen leiman. Paneppa siihen sitte joku mitta mailmanmusiikkia, jazzia ja laulelmia ja olet aika likelä sitä mikä oon Jord.


Susanne Rantatalo - laulu, lyömäsoittimet, Jan Johansson - laulu, haitari, kantele, kalimba
Gun Olofsson - laulu, huilu, kitara, Erling Fredriksson - laulu, kontrabasso, harppu